Bybel Onderwerpe Woordeboek

Tuesday, 1 April 2025

Aanstoot

Daar word deurgaans gewerk op die beskrywing van onderwerpe op hierdie blog. Vir 'n lys van urls waarop hierdie verskillende onderwerpe o.a. bespreek word in poste op die WareChristene blog, klik op die alfabetiese blaaie hierbo.

AANSTOOT:

Aanstoot gee / aanstoot neem / tot aanstoot / aanstoot veroorsaak / 'n aanstoot wees

----------------------------------------------------------------------------------------------------------------------------

Mense wat "aanstoot neem" of " 'n aanstoot is ", verwys oor die algemeen na mense wat ongelowig is of nie rein is nie; bv., die wat aanstoot neem aan Jesus en aan die waarheid, is ongelowig... (kyk punt 1). Die wat 'n aanstoot is is nie rein nie... (kyk punt 4). Die wat aanstoot veroorsaak (bv. teen die waarheid) kan veroorsaak dat ander afvallig word vd waarheid... (kyk punt 3). Die wat aanstoot gee, in die sin van iemand laat val, kan veroorsaak dat iemand sondig... (kyk punt 2).

Die woord "AANSTOOT" is:

(1) die Griekse woord "skan-dal-id'-zo" (soos skandalig), wat verwys na "om te vang , lok of verlei (tot sonde), afvallig of misnoeë... - aanstoot neem (Mark. 11:6; 13:57; 15:12; 17:27; 26:31,33; Mark. 6:3; 14:27,29; Luk. 7:23; Joh. 6:61; Rom. 9:32,33; 14:21)(in hierdie konteks verwys dit veral na die wat afval a.g.v. ongeloof. Hulle stem nie saam met dit wat gese word of die manier van doen nie). Vgl. dit met Joh. 6:61 waarin Jesus se woorde baie van Sy volgelinge "tot aanstoot" was omdat hulle ongelowig was... (Joh 6:61 - "En Jesus het in Homself geweet dat sy dissipels hieroor murmureer, en Hy sê vir hulle: Is dit julle tot ‘n aanstoot?")(daarom het hulle aanstoot geneem - misnoeë getoon, en baie van Jesus se volgelinge het terloops van daardie dag nie meer saam met Hom gewandel nie (Joh 6:64-66) - hierdie is baiemaal die gevolg van die wat aanstoot neem, is dat hulle hul afkeer (in hierdie sin, "afval van die geloof"). Kyk ook Matt. 26:30-35 - in hierdie geval sien ons hoe "aanstoot neem" veroorsaak het dat Jesus se dissipels Hom verraai het... - en hulle was verstrooi. Ongeloof het altyd hierdie tot gevolg, en dit is a.g.v. ongeloof wat hulle aanstoot geneem het. Jesus is self ook soos 'n "steen van aanstoot" omdat Hy die waarheid is (die Skrif leer terloops dat elkeen wat nie glo nie, m.a.w. die wat AANSTOOT NEEM (aan Hom), sal beskaam word... Rom 9:33). Bestudeer ook die vb. in Matt. 11:2-6 (waar Johannes twee van sy dissipels stuur om seker te maak dat Jesus die Een is wat sou kom), waarin Jesus die volgende opmerking maak (Matt. 11:6 - "En salig is elkeen wat aan My nie aanstoot neem nie") -die wat nie glo dat Hy die Seun van God en saligmaker is nie, sal aan Hom aanstoot neem ("aanstoot neem is 'n teken van ongeloof). Nog 'n vb. is in Matt. 13:54-57 ("En hulle het aanstoot aan Hom geneem. Maar Jesus sê vir hulle: ‘n Profeet is nie ongeëerd nie, behalwe in sy vaderland en in sy huis") - hulle het nie in Hom geglo nie, dit is hoekom hulle aanstoot geneem het.. Nog 'n vb. is in Matt. 15:5-14 ("Daarop kom sy dissipels nader en sê vir Hom: Weet U dat die Fariseërs, toe hulle die woord hoor, aanstoot geneem het?") - hulle het aanstoot geneem aan Sy woorde omdat hulle liewer menslike gebooie aangehang het as die waarheid.

(2) Die Gr. woord "pros'-kom-mah", wat verwys na "is tot aanstoot" - is 'n struikelblok (in hierdie konteks Rom. 14 is hulle gewaarsku om nie "tot aanstoot" te wees nie; in die sin van dat as iets vir iemand sonde is maar nie vir jou nie, moet jy nie vir hom 'n struikelblok wees om dit te doen, m.a.w hom lei om "te sondig" nie)(Rom. 14:20). Ons moet net eers vinnig onderskei tussen punt 1 en 2, want in beide gevalle verwys dit na "aanstoot gee", bv. die waarheid kan ook aanstoot gee..., maar die verskil is die waarheid gee nie aanstoot omdat dit "iemand kan laat sondig" nie (maar die rede hoekom iemand aanstoot neem in die waarheid is a.g.v. ongeloof - dit moet m.a.w. onderskei word van "swak geloof"). Punt 2 is 'n vb. van swak geloof (een glo nie hy mag iets doen, maar 'n ander glo hy mag). In hierdie geval is dit bv. verkeerd om iets doen wat "tot aanstoot" mag wees, bv. waar daar nie spesifieke wette neergele is (bv. in die N.T.) nie..., maar elkeen doen volgens wat sy gewete hom toelaat (bv. in die konteks van wat ons mag eet en wat nie, besnydenis, ens.). Ek mag bv. nie vir iemand verbied om vleis te eet as ek dink dis verkeerd nie; of as die ander persoon dit sien as verkeerd moet ek liewer nie vleis eet wanneer ons saameet nie (sodat ek "nie aanstoot gee nie"; m.a.w., vir hom is dit sonde, so ek moet nie veroorsaak dat hy vleis eet en dus sondig nie, want vir hom is dit sonde...). Kyk Rom. 14:19-23 - elke Christen word in die gedeelte beveel om self te oordeel wat is vir hulle reg is om te eet en drink en wat nie, bv. vleis of wyn. Die rede hiervoor is deels om die vrede te bewaar... (Rom 14:19 - "Laat ons dan najaag wat tot vrede en onderlinge stigting dien"). Jy mag miskien voel jy's vry om iets te eet, maar vir iemand anders wat nie vrede het daaroor nie, is dit sonde (omdat hy glo dis verkeerd, is dit vir hom verkeerd! - v. 21,22) (en natuurlik, op ditto wyse mag hy ook nie jou vryheid bespied en aanstoot neem aan jou as jy glo dis reg om vleis te eet nie...)(Gal. 2:14; 4:9-10; 5:13; 2 Pet. 2:19; Hand. 15:24; ens.). Daar is ook 'n ander geleentheid waar Jesus vir ons gewys het wanneer ons "nie moet aanstoot gee nie", en dit is ook 'n geval van "vrede bewaar"... Kyk Matt. 17 - alhoewel die wat van hulle verwag het om tempelbelasting te betaal verkeerd was, het Hy dit tog betaal sodat Hy hulle geen aanstoot gee nie... (Matt. 17:24-27)(vgl. dit gerus ook met die volgende tema: Matt. 5:42/ https://warechristene.blogspot.com/2013/02/gee-aan-hom-wat-jou-iets-vra.html).

(3) Die Gr. woord "skan'-dal-on", wat verwys na "die wat AANSTOOT VEROORSAAK teen..." - soos om 'n struikelblok of strik te wees (in hierdie konteks was hulle gewaarsku teen mense wat aanstoot veroorsaak teen "die leer", teen die waarheid - hulle kan veroorsaak dat ander van die waarheid afval)(Rom 16:17,18 - "En ek vermaan julle, broeders, hou hulle in die oog wat tweedrag en aanstoot veroorsaak teen die leer wat julle geleer het, en vermy hulle. Want sulke mense dien nie onse Here Jesus nie, maar hulle eie buik; en hulle verlei deur hul vriendelike en mooi woorde die harte van die eenvoudiges"). Die verskil tussen punt 2 en 3 is dat die wat dit doen in punt 3 opsetlik 'n struikelblok is, terwyl in punt 2 mense nie noodwendig bedoel om aanstoot te gee nie, maar is iets waarop broeders moet ag gee... (dat hulle dit nie doen nie). Punt 2 verwys na skape, en punt 3 verwys na valses/wolwe wat tweedrag saai en mense probeer afvallig maak van die gesonde leer.

(4) Die Gr. woord "ap-ros'-kop-os", wat verwys na "moet vir niemand 'N AANSTOOT WEES nie" (moet "sonder aanstoot" wees) - in hierdie konteks bedoelende "moet sonder fout wees"... (rein/ nie in sonde)(Fil. 1:9-11 - "En dit bid ek dat julle liefde nog meer en meer oorvloedig mag word in kennis en alle ervaring, om die dinge waar dit op aankom, te onderskei, sodat julle rein en vir niemand ‘n aanstoot mag wees nie, tot op die dag van Christus, vervul met die vrug van geregtigheid wat daar is deur Jesus Christus tot heerlikheid en lof van God"). Die wat nie rein is nie, is soos suurdeeg in die kerk, wat " 'n aanstoot" kan wees, bv. dat hulle die hele deeg kan suurmaak (1 Kor. 5:6;Gal. 5:9). M.a.w., IN HIERDIE KONTEKS VERWYS die onreines in die kerk as mense wat " 'n aanstoot is " (hulle kan veroorsaak dat ander val (vgl. dit met punt 3).

-----------------------------------------------------------------------------------------------------------------------------

https://warechristene.blogspot.com/2017/09/ongeloof.html

https://warechristenedagstukkies.blogspot.com/2016/10/is-alles-vir-die-christen-rein.html

https://warechristenedagstukkies.blogspot.com/2021/05/die-kenmerke-van-n-verleier.html

https://warechristene.blogspot.com/2016/10/rein-onrein-verontreinigingreinig.html

Monday, 17 March 2025

Aannemer van die persoon

AANNEMING VAN DIE PERSOON:

Aanneming, Vergifnis, Guns, Vrees.

----------------------------------------------------------------------------------------------------------------------------

(Rom 2:11; Ef. 6:9; 1 Pet. 1:17; Hand. 10:34,35). God is nie 'n aannemer van die persoon nie (Rom 2:11), asof Hy sekere mense voortrek en ander nie... - maar Hy sal elkeen vergeld na sy werke (Rom. 2:6)("verdrukking en benoudheid oor die siel van elke mens wat kwaad doen"/v.9; "maar heerlikheid en eer en vrede vir elkeen wat goed doen"/v.10). Hoeveel guns die Here aan iemand bewys gaan nie oor status of hoeveel jy vir die Here werk/bedien of so nie, maar gaan oor of jy die Here vrees en Sy geregtigheid doen. Dieselfde tema word bv. ook aangeraak in Ef. 6 waar daar van Christen slawe verwag word om hulle Christelike here te gehoorsaam..., maar op dieselfde wyse verwag die Here van daardie leiers om Hom ook te gehoorsaam (Ef. 6:5-9). Hy trek nie die base voor bloot omdat hulle vir Hom werk of kyk na hoeveel hulle werk nie (Matt. 20:1-16), bv. verwag nie van hulle minder gehoorsaamheid (asof Hy meer guns aan hulle bewys nie), maar verwag dat hulle die Here gehoorsaam net soos daar gehoorsaamheid verwag word van die wat onder hulle dien (Ef. 6:9).

God is nie 'n aannemer van die persoon nie, en Hy verwag dat Sy kinders dieselfde gesindheid toon! Mense val somtyds in hierdie strik, bv. dat hulle dink die Here verwag nie van hulle wat Hy van ander mense verwag nie (asof hulle meer verdien of verdien om voorgetrek te word). Die gevolg van so 'n miskonsepsie is gewoonlik dat hulle ander oordeel, bv. dat diesulkes van ander mense verwag om reg te doen maar hulle verwag dit nie van hullself nie... (Rom. 2:1-11)(hulle wil die splinter uit hulle broer se oog haal, maar dink dat God die balk in hulle eie oog sal oorkyk omdat hulle na hulle mening in Sy guns is). Christene wat nie broeders wil vergewe nie het ook baiemaal hierdie miskonsepsie; bv., dat hulle dink hulle self geregtig is op vergifnis maar die ander nie. Of jy iemand vergewe, moet nie gaan oor wie jy voortrek of graag wil vergewe nie, maar gaan oor of die persoon berou het oor sy sonde... (Luk. 17:3,4). Die Here vergewe almal wat hulle sonde teenoor Hom bely en berou het, en Hy verwag dieselfde van ons! (tot 70 x 7 maal). Jesus voel sterk oor hierdie dinge en het o.a. geleer dat die wat nie vergewe nie ook nie vergewe sal word nie (Matt. 6:15; Matt. 18:35; Mark. 11:26); m.a.w., Hy verwag van ons ook om nie " 'n aannemer vd persoon" te wees nie (Matt. 18:21-35).

Guns geskied op ditto kriteria vir alle mense. Die Here verwag van alle kinders van die Koninkryk om 'n heilige lewenswandel te leef (moet Hom vrees en Sy geregtigheid doen)(1 Pet. 1:14-17); nie net sommige gelowiges asof die Here 'n aannemer vd persoon is nie, maar Hy verwag dit van almal (1 Pet. 1:17)(Hand. 10:34,35 - "En Petrus het sy mond geopen en gesê: Ek sien waarlik dat God geen aannemer van die persoon is nie, maar dat in elke nasie die een wat Hom vrees en geregtigheid doen, Hom welgevallig is").

-----------------------------------------------------------------------------------------------------------------------------

Urls op die WareChristene blog waarop hierdie onderwerp o.a. bespreek word, of onderwerpe wat hierby aanpas:

- https://warechristene.blogspot.com/2013/12/regverdigmaking-geregverdig-regverdig.html

- https://warechristene.blogspot.com/2013/08/moenie-oordeelveroordeel-nie-1.html

- https://warechristene.blogspot.com/2013/05/wat-het-jesus-bedoel-met-aan-hom-wat.html

- https://warechristenedagstukkies.blogspot.com/2015/02/die-een-wat-glo-is-die-een-wat-ook.html

- https://warechristene.blogspot.com/2023/03/wat-beteken-om-te-vreeseer.html

- https://warechristene.blogspot.com/2020/03/aanneming-tot-kinders.html

Saturday, 8 March 2025

Aanneming tot kinders

AANNEMING TOT KINDERS:

Aanneming, Kinders van die geloof, Opstanding, Wegraping, Verheerlikte/Onverganklike liggame, Opstanding tot lewe, Kinders van die Opstanding, Eerste Opstanding

----------------------------------------------------------------------------------------------------------------------------

Kinders vd geloof: Die wat aangeneem word tot kinders van God, verwys na die KINDERS VAN DIE GELOOF- hulle is die kinders van die belofte (Rom. 9:4-8). Alhoewel die belofte van aanneming tot kinders gemaak is aan 'n spesifieke geslag van mense op aarde, verduidelik Paulus in Rom. 9 dat "Israeliete" nie bloot verwys na die wat uit die vlees gebore is as Israeliet nie, maar veral verwys na die wat "KINDERS VAN DIE GELOOF" is (Rom. 9:6,7). Hulle is die ware nageslag... (Rom. 9:8).

Erfenis: Die wat deur God AANGENEEM word TOT KINDERS is noodwendig die wat eendag gaan ERF (Openb. 21:7), en hulle kry dus onverganklikheid (kyk die tema van weergeboorte en opstanding). Hierdie verwys na die wat in Christus gedoop (en met Hom beklee) is (Gal. 3:15-29). Jesus is die erfgenaam (Hebr. 1:1,2; 2:8,9; Ps. 2:6,9; Matt. 21:38; 28:18; Joh. 13:3; Kol. 1:17,18), so as jy wil erf moet jy aan Hom behoort! en die Heilige Gees ontvang (Joh. 17:2; Rom. 8:17; 1 Kor. 3:23; 15:23; Ef. 3:6)(Gal 3:16). 'n Dienskneg kan nie erf nie... (daarom, as jy bv. "onder die wet" is kan jy nie erf nie, want dan is jy soos 'n dienskneg)(Rom. 4:13,14), maar as jy "onder die Gees" is (dus onder Jesus Christus, wie ook aan jou die Heilige Gees gee) dan is jy kind en kan dus erf (Gal. 4:1-7). Dit is die manier deur die Vader geskep hoe iemand aangeneem kan word, en dit is deur geloof in die erfgenaam Jesus Christus - deur geloof ontvang jy kindskap (Rom. 15:7 - word deur Jesus aangeneem) en word onder die kinders van die belofte ingedoop (Gal. 3:7); in ander woorde, as jy aan Hom behoort dan is jy deel van die wat gaan erf... (Gal 3:29). Die wat die Heilige Gees ontvang het en hulle deur die Gees laat lei, word dus alreeds gesien soos kinders van God (Rom 8:14-16; Gal. 4:5); alhoewel hulle aanneming eers voltrek word in die opstanding omdat hulle nog verganklike liggame het (Rom. 8:23). Die wat die Heilige Gees ontvang het word dus alreeds gesien soos kinders van God en mense wat deur Hom aangeneem is (Rom_8:15). Die begrip "aanneming tot kinders" verwys dus veral na die wat hulle deur die Gees van God laat lei... (Rom. 8:14)(nie die ongehoorsames, onbarmhartiges, afvalliges en goddelose nie); of anders gestel, die wat die Heilige Gees ontvang het is die wat aangeneem word en die aanneming word in die opstanding voltrek... (Rom 8:15-17). Weergeborenes word deur die Heilige Gees in bewaring gehou tot die dag waarop hulle liggame ook verlos sal word (wanneer hulle onverganklike liggame kry)(Gal. 4:4-7; Ef. 1:7; Kol. 1:14; Hebr. 9:12,15).

Aanneming word in die opstanding voltrek: Ons moet verstaan dat alhoewel "geestelike mense" alreeds gesien word soos kinders van God en deur Hom aangeneem omdat hulle sondes afgewas en hulle die Heilige Gees het (vernuwe is)(Rom 8:14,15)(hulle is soos mense gebore uit Hom/Joh. 3:3-8;1Pet. 1:23;Tit. 3:5, en kinders van Jesus Christus/Gal. 3:27, en van Sy vlees en bene/Ef, 5:30) en dus die belofte het van erfenis (is uit Hom gebore)(Rom. 8:17) en ewige lewe (gebore uit onverganklike saad), is hulle uiterlike mens (wat somtyds bloot na verwys word as "die liggaam") nog nie vernuwe nie (is verganklik - gaan dood). Die begrip "aanneming tot kinders" kan dus o.a. beskryf word as die tyd wanneer die liggaam verlos word... (Rom. 8:23)(sien "die OPSTANDING"), want die "aanneming tot kinders" word dan eers volkome voltrek (wanneer die mens 'n onverganklike liggaam kry). Noodwendig kan die natuurlike mens nie erf nie want hy is verganklik!; maar KINDERS VAN DIE GELOOF (kinders vd belofte) kan onverganklikheid verkry; anders gestel, hulle het die belofte dat hulle eendag onverganklike liggame sal kry (en dit sal op beurt ook 'n bewys wees dat hulle AANGENEEM IS). Die OPSTANDING is beslis iets waarna weergeborenes uitsien, want die AANNEMING (Gr. woord "hwee-oth-es-ee'-ah", wat verwys na hoe iemand 'n seun of kind word) TOT KINDERS (Rom. 8:15) word dan voltrek... (Rom_8:23).

Onverganklikheid: Die begrip "aanneming tot kinders" (van God) verwys na hoe iemand deel word van die Here se familie (wat o.a. verwys na die wat onverganklikheid verkry-Rom. 8:15,23) - "wie se kind jy is" (wie se saad in jou is) bepaal dus of jy eendag gaan erf of nie (Rom. 8:15). Dit is waarom die mens nodig het om deur God aangeneem te word..., want solank jy 'n kind van Adam (verganklik) is kan jy nie erf nie - in ander woorde, vlees en bloed kan nie die Koninkryk beërwe nie... (1Kor. 15:50)(en die rede hiervoor is veral omdat die mens verganklik is - is uit Adam se saad gebore). Slegs mense wat uit God se saad gebore is en dus onverganklikheid het, kan eendag erf... Die wat eendag "opstaan tot lewe" sal onverganklike liggame kry wat vir ewig lewe, en tereg! want dit is wat van "kinders van God" verwag word..., is dat hulle vir ewig sal lewe omdat hulle gebore is uit onverganklike saad (wat noodwendig beteken dat hulle dan onverganklik is...). Hierdie kan alreeds gese word van die innerlike mens vd weergeborene; of liewer, die innerlike mens word dag na dag vernuwe... (2Kor. 4:16; Tit. 3:5; Rom. 7:22; 12:2; Ef. 3:16; 4:23,24; 1 Pet. 3:4; Kol. 3:10)(Ef. 2:11-15), en is daarom instaat om "vrug tot (ewige) lewe" te dra. In daardie opsig is die nuwe lewe soos iets wat weergeborenes daagliks aantrek (om dit beter te verstaan, bestudeer die tema van bekleding en wat dit beteken om "met Christus beklee" te wees) en wanneer Jesus terugkom sal die uiterlike mens ook vernuwe word. Geestelike mense word o.a. gesien as mense wat God se saad in hulle het (is gebore uit Sy onverganklike saad - is dus "onverganklik"), maar duidelik is geestelike mense (gereddes/weergeborenes) se uiterlike (liggame) nog nie vernuwe nie! (want as dit was sou hulle nie doodgaan nie...); en daarom kan die "aanneming tot kinders" eers in die opstanding voltrek word. Dit is waaroor weergeboorte gaan... - wanneer iemand deur God "aangeneem word" verkry hy onverganklikheid... (kan nie doodgaan / kry ewige lewe) - dit is soos "om oor gebore te word", maar hierdie keer nie uit Adam se saad nie, maar uit God se saad (deur water en Gees / afwassing van sonde wat deur Jesus verkry word, en Jesus gee die Heilige Gees aan die wat in Hom glo). Die innerlike mens sowel die uiterlike mens moet dus vernuwe word voor iemand kan erf... (voor jy kan erf moet jy aangeneem word as kind, en die manier hoe jy kind word is deur die vernuwing). Die manier hoe die mens maw vernuwe word en onverganklikheid verkry, is deur "weergeboorte" (deur water en Gees)(water=afwassing van sonde, en gees=ontvang die Heilige Gees), en diesulkes het dan die belofte dat hulle uiterlike mens ook vernuwe sal word wanneer Jesus terugkom - dan sal Hy vir die wat in Hom glo nuwe onverganklike liggame gee ((1) die wat in Hom gesterf het sal opgewek word uit die dood-verwys na "die opstanding", (2) en die gelowiges wat dan nog in die lewe, se liggame sal ook verander word-verwys na die "wegraping").

-------------------------------------------------------------------------------------------------------------------------Urls op die WareChristene blog waarop hierdie onderwerp o.a. bespreek word:

(https://warechristene.blogspot.com/2020/03/aanneming-tot-kinders.html)

(https://warechristenedagstukkies.blogspot.com/2023/01/hoe-om-deel-te-word-van-die-koninkryk.html)

https://warechristenedagstukkies.blogspot.com/2025/01/verskil-tussen-uiterlike-innerlike-mens.html

Tuesday, 4 February 2025

Aankondig

Aankondig

Daar word deurgaans gewerk op die beskrywing van onderwerpe op hierdie blog. Vir 'n lys van urls waarop verskillende onderwerpe o.a. bespreek word in poste op die WareChristene blog, klik op die alfabetiese blaaie hierbo.

AANKONDIG / AANGEKONDIG / AANKONDIGING:

Die begrip aankondiging word hier bespreek veral in konteks met die "laaste basuin".

---------------------------------------------------------------------------------------------------------------

Wanneer iets aangekondig word gaan 'n woord uit, bv. 1 Kon. 13:3,5 (in hierdie geval het die Here iemand gestuur om iets aan te kondig, bv. van wat sal gebeur). Waar die woord as "aan(ge)kondig" gebruik is in die AOV is dit nie altyd ditto Hebr. of Gr. woord wat gebruik is nie, en word bv. in verskillende beskrywende woorde vertaal in die KJV; bv. in Hand. 3:24 word dit in die engels vertaal as "foretold/voorspel" (Gr. woord "prok-at-ang-ghel'-lo", voorspel, gee kennis van iets voor dit gebeur); in Hos. 7:12 word dit vertaal as "heard/gehoor" (Hebr. woord "shay'-mah", geraas, hoor, harde geluid, verslag gee, spraak, tyding bring, ens.); in 1 Kon. 13:3 as "spoken/gespreek" (Hebreeuse. woord "daw-bar'", antwoord, aanstel, gebied, opdrag gee, praat, spreek, leer, vertel, ens.)(kyk ook Hebr. 9:19 - Gr. woord "lal-eh'-o", preek, se, praat, uiter, vertel); in 1 Kon. 13:5 as "given/gegee" (Hebr. woord "naw-than'", aanwend, aanstel, skenking, le neer op, aflewer, ens.); in 1 Pet. 1:12 as "reported/rapporteer" (Gr. woord "an-ang-el'-lo", verklaar, verslag gee, wys, spreek, repeteer, vertel); in Deut. 13:1 as "given"; in Matt. 12:18 "shew"...

Hoekom "aankondiging" hier in konteks gebring word met die laaste basuin, is omdat die blaas vd basuin soos 'n AANKONDIGING is (bv., gee kennis van iets voor dit gebeur, of wanneer iemand op hierdie manier verslag gee van iets of 'n tyding bring) - iemand spesifiek kry die opdrag om die aankondiging te doen, en dit word op 'n spesifieke manier gedoen bv. deur die blaas van die basuin, en dit is om mense se aandag te kry. Die "blaas van die basuin" was terloops iets wat deur God self ingestel was vir die volk (Num. 2:10)(was bv. 'n manier hoe die volk byeen geroep is om die laers in die woestyn te laat opbreek, maar dit is ook gebruik in feesfieringe en om die begin van elke fees en die begin van maande AAN TE KONDIG; die basuin was ook geblaas op Versoendag, bedoel om die volk in gedagtenis te bring voor die Here). Waar God aan die volk verskyn het op die berg in die woestyn (Eks. 19:16,19; 20:18) het dit ook gepaard gegaan met 'n BASUIN. Die "alarm blaas" of "basuin" is 'n manier wat die Here gebruik om mense se aandag te kry, hetsy aankondiging of waarskuwing. Die opstanding (asook wegraping wat daarmee gepaard gaan) sal ook aangekondig word met 'n basuin, en word terloops gemeld dat dit sal plaasvind "met die laaste basuin" (1 Kor. 15)(vgl. dit met die "7 basuine onder die 7de seel" in die boek van Openb.). Die 7 basuine wat in Openb. 8 beskryf word is ook 'n AANKONIDIGING VAN GEBEURE... (bv., die blaas van die basuine deur die engele is om kennis te gee of aan tekondig/te waarsku wat volgende gaan gebeur). Die Here se wederkoms sal ook aangekondig word met 'n basuin! (Sag. 9:14 - waarin terloops beskryf word asof dit deur die Here Homself geblaas sal word) - vgl. dit met 1 Thess. 4:16,17 wat verklaar dat die Here self sal van die hemel neerdaal MET 'N GEROEP, met die stem van ‘n aartsengel EN MET GEKLANK VD BASUIN van God (en terloops, dan volg die opstanding en dan die wegraping...).

___________________________________________________________________________________

Urls op die WareChristene Blog waarop hierdie onderwerp o.a. bespreek word:

- https://warechristenedagstukkies.blogspot.com/2015/07/die-geklank-van-die-basuin.html

Wednesday, 22 January 2025

Aanklaer

AANKLAER:

(aankla / aangeklaag)

Die begrip "aanklaer" word hier bespreek, veral in konteks met die wat loop en fout soek, asook die "vals aankla" (bv. kwaadsprekers en bedrieërs).

---------------------------------------------------------------------------------------------------------------Vir wet en orde is aanklaers belangrik, maar daar is mense wat sit en loer om iemand "aan te kla" met die doel om met die persoon weg te doen. 'n Goeie voorbeeld is in Matt. 12:10 (Mark. 3:2) toe Jesus die man met die verdorde hand op die Sabbat gesond maak, en hulle dit as rede gebruik om Hom aan te kla. Mark. 3:2 leer dat hulle Hom in die oog gehou het, of Hy die persoon op die sabbat gesond sou maak sodat hulle Hom kon aanklae... Dit is dan veral in hierdie konteks waarna ons na die woord "aanklaer" kyk in hierdie kort verduideliking (dit gaan bv. oor die wat loop en fout soek sodat hulle iemand kan AANKLA).

Openb. 12:10 leer dat die duiwel (groot draak, ou slang, Satan - Openb. 12:9) is die groot AANKLAER (Openb. 12:10, Gr. woord "kat-ay'-gor-os" - "aankla", 'n klag le - wat verwys na die persoon wat die proses van 'n regsaak begin, die klaer kla iemand aan van iets krimineel...) wat ons voor God dag en nag aankla..., en 1 Pet. 5 leer verder dat die duiwel ons teëstander is en soek om ons te verslind (1Pe 5:8 "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind") - dit is dan ook immers sy doel waarom hy ons wil aankla! - nie om jou 'n kans te gee om jouself te verdedig nie, maar om jou te verwoes. Mense neem baiemaal hierdie rol op - kyk bv. Dan. 3 waar die Jode aangekla was omdat hulle nie die goue beeld wat koning Nebukadnésar gemaak het aanbid het nie - in die Hebreeus kan die woord "aangekla" daar (in Dan. 3:8) o.a. verwys na "verslind of eet", wat in konteks beslis verwys na die doel..., nl. om te veroordeel (verwoes). Vir nog 'n vb kyk Dan. 6. Die woord "aangeklaag" in hierdie skrifte is bietjie anders as bv. die Afrikaanse woord "beskuldig", want in hierdie konteks beteken dit "aankla met die doel om te verwoes", terwyl in die geval van "beskuldig" (soos om beskuldigings teen iemand in te bring) dit liewer 'n verduideliking of 'n antwoord eis... (Matt. 27:11,12; Mark. 15:3).

Een van die kenmerke van verleiers (Openb. 20:10; Job 1:9; Sag. 3:1,2; Luk. 22:31) is dat hulle mense VALS AANKLA (is m.a.w. 'n vorm van laster)(bv., die duiwel het vir God vals aangekla toe hy vir Eva probeer mislei, deur voor te gee dat God nie die waarheid gepraat het toe Hy gese het dat hulle sal doodgaan as hulle ongehoorsaam is nie). Die manier hoe 'n verleier iemand "vals aankla" is bv. deur voor te gee dat die ander persoon lieg terwyl dit nie so is nie... (vals aanklaers se doel is om mense te bedrieg en dit is waarom hulle laster). Iets waaraan diesulkes baiemaal herken kan word is die feit dat hulle gedurig loop en fout soek by ander... - veral by die wat die waarheid verkondig! Hulle soek iets waarmee hulle hul kan aankla. Kwaadsprekers val ook onder die groep van "valse aanklaers", want hulle sal loop en vals stories versprei asof dit die waarheid is (m.a.w., hulle "laster")(Lev. 19:16; 1 Kor. 5:11). Hierdie mense is wetend! - hulle weet goed wat is die waarheid maar verdraai dit opsetlik... 'n Ander woord wat dus ook in hierdie verband na op ingekyk kan word is die term "laster", want 'n lasteraar weet goed wat is die waarheid maar hy verander die waarheid in 'n leuen. Die doel van lasteraars is om ander te mislei en verlei (Matt. 24:11,24; 2 Pet. 1:1,2) (hulle spreek/verkondig bv. self nie die waarheid nie, en wil he dat mense liewer in hulle glo as in die waarheid wat deur die ander een verkondig word - hulle bedrieg, en probeer op so 'n manier mense verlei om die leuen te glo). Die duiwel is 'n lasteraar (Joh. 8:44 - wanneer hy leuentaal praat, praat hy uit sy eie), maar somtyds neem mense hierdie rol op! (1 Joh. 2:26; 3:7; Luk. 21:8; Mark. 13:5,6; Matt. 24:4,5,11,24). Die begrip "aanklaer" in hierdie konteks verwys nie na onkundiges nie (alhoewel onkundiges ook somtyds mense mislei). Ander groepe waarin ook ingekyk kan word rakende hierdie tema is "valse leermeesters" (die wat die waarheid verdraai), "valse profete" (die wat voorgee dat hulle van die Here hoor maar nie doen nie), en valse broeders (die struikelblokke in die kerk/ingesluiptes)(1 Kor. 11:26; Gal. 2:4; Hand. 17:5,6;21:28-31; 24:5), want dit is hierdie mense wat loop en fout soek by ander; en die rede waarom hulle dit doen is met die doel om hulle aan te kla... - en hulle sal selfs laster om hulle doel te bereik.

Openb. 12:11 leer vir ons 'n manier om die duiwel se aanklagte te oorwin, en dit is deur die bloed vd Lam en deur die woord van ons getuienis (deur ons "lewens vir Jesus Christus af te lê"). Inderdaad, om nie geoordeel te word nie, het ons vergifnis nodig, asook nodig om 'n heilige lewe te lewe. Maak nie saak watter aanklagte die duiwel of mense teen jou aanbring nie, die persoon wie se sonde vergewe is en vashou aan die geloof. word deur die Here beskerm. Wanneer iemand vashou aan die geloof en die duiwel teëstaan (1 Pet. 5:9) dan kan die duiwel se aanklagte geen krag hê nie (die saak moet dan noodwendig uitgegooi word).

-----------------------------------------------------------------------------------------------------------------------------

Urls op die WareChristene blog waarin hierdie onderwerp o.a. bespreek word:

(https://warechristenedagstukkies.blogspot.com/2021/05/die-kenmerke-van-n-verleier.html)

(https://warechristene.blogspot.com/2021/12/ingesluiptes.html)

(https://warechristene.blogspot.com/2024/01/laster-godslasterlik-kwaadspreek.html)

Tuesday, 31 December 2024

Poste op die Eindtyd Onderwerpe Blog

Alle poste op die (1) WareChristene Bybelstudie blog, (2) WareChristene Dagstukkies blog, en (3) die Eindtyd Onderwerpe blog, word op hierdie blog alfabeties gesorteer volgens ONDERWERP.

-------------------------------------------------------------

Rol af vir poste op die WareChristene Eindtyd-Onderwerpe blog (vir spesifieke onderwerpe en al die poste waarin daardie onderwerp o.a. bespreek word, klik op die alfabetiese blaaie hierbo). Die "Eindtyd Onderwerpe" poste was oorspronklik deel van die Bybelstudie Blog en onttrek vir hersiening - alles is nog nie klaar hersien nie, maar hieronder is 'n lys van dit wat wel voltooi is, alhoewel deurgaans aan al die poste gewerk word...

- Vir poste op die Bybelstudie blog, gaan na: https://bybelstudieopsommings.blogspot.com/2024/12/poste-op-die-warechristene-bybelstudie.html

- Vir poste op die Dagstukkies blog, gaan na: https://bybelstudieopsommings.blogspot.com/2024/12/poste-op-die-warechristene-dagstukkies.html

POSTE OP DIE Eindtyd-Onderwerpe BLOG:

Die dag van die Here (1)

Moenie Sy wederkoms verhaas nie

Die tyd is naby

Eerste dier (in profesie)

Soos 'n dief in die nag

Die Olyfberg sal middeldeur splyt

Vierde seel

Derde seel

Die merk van die dier

Die tyd is naby

Die Antichris

Dier uit die see

42 mnd.e/1260 dae/tyd,tye,halwe tyd

Die 144000

Die derde Tempel

Sal uitloop op getuienis

Eindtyd/Die einde/Laaste dae

Die Groot Verdrukking

Eers die afval

Maat van sondes vol

Hierdie eeu/Volgende eeu

Einde vd wereld

Die Here kom in vuur

Nuwe hemele en nuwe aarde

Doel van wegraping

Bruid van Christus

Opstanding/Dooies herlewe

Beklee met wit klere

Poste op die WareChristene Dagstukkies blog

Alle poste op die (1) WareChristene Bybelstudie blog, (2) WareChristene Dagstukkies blog, en (3) die Eindtyd Onderwerpe blog, word op hierdie blog alfabeties gesorteer volgens ONDERWERP.

-------------------------------------------------------------

Rol af vir poste op die WareChristene Dagstukkies blog (vir spesifieke onderwerpe en al die poste waarin daardie onderwerp o.a. bespreek word, klik op die alfabetiese blaaie hierbo). Die dagstukkies is soos KORT OPSOMMINGS van verskillende onderwerpe wat mekaar aanvul, geneem uit verskillende poste.

- Vir poste op die Bybelstudie blog, gaan na: https://bybelstudieopsommings.blogspot.com/2024/12/poste-op-die-warechristene-bybelstudie.html

- Vir poste op die Eindtyd-Onderwerpe blog, gaan na: https://bybelstudieopsommings.blogspot.com/2024/12/poste-op-die-eindtyd-onderwerpe-blog.html

POSTE OP DIE Dagstukkies Blog:

-Vrug nodig om ewige lewe te oes

-Geestelike lig, kos en water

-Verskil tussen Bekering en Weergeboorte

-Verskil tussen Besnydenis en Christelike Doop

-Die oë van die Here is op jou

-Liggaam, siel en gees

-Valse elemente in die kerk

-Gaan Christene ook geoordeel word?

-Spreekwoord glo in jouself